ബെംഗളൂരു: ഒളിച്ച്‌ കളിക്കുന്നതിനിടെ ഫ്രിഡ്ജില്‍ കയറിയിരുന്ന കുട്ടികള്‍ക്ക് ദാരുണാന്ത്യം. ശ്വാസം മുട്ടിയാണ് കുട്ടികള്‍ മരിച്ചത്. മൈസൂരുവിലെ മസാജ് സ്വദേശികളായ ഭാഗ്യ, കാവ്യ എന്നിവരാണ് മരിച്ചത്. 9 ഉം 5 ഉം വയസുള്ള കുട്ടികളാണ്.
കൂട്ടുകാര്‍ക്കൊപ്പം ഒളിച്ചു കളിക്കുന്നതിനിടെയായിരുന്നു സംഭവം. വീടിന് പിന്നില്‍ ഉപയോഗിക്കാതെ ഇട്ടിരുന്ന ഐസ്‌ക്രീം പെട്ടിയിലാണ് ഇരുവരും കയറി ഒളിച്ചത്. എന്നാല്‍ പെട്ടിക്കുള്ളില്‍ കയറിയതോടെ ഇത് പുറത്തിറങ്ങാനാകാത്ത വിധം ലോക്ക് ആയി.
ഇതോടെ ശ്വാസം കിട്ടാതെ കുട്ടികള്‍ മരിക്കുകയായിരുന്നു. മണിക്കൂറുകള്‍ കഴിഞ്ഞിട്ടും കുഞ്ഞുങ്ങളെ കാണാതായതോടെ തിരഞ്ഞിറങ്ങിയ മാതാപിതാക്കളാണ് കുട്ടികളെ ഫ്രീസറിനുള്ളില്‍ മരിച്ച നിലയില്‍ കണ്ടെത്തിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
